МЗШВ: Повеќе од 180 земјоделци на трибината во Велес, заедно со министерот Николовски дискутираа за сите теми од земјоделството
Во врска со информациите во дел од медиумите дека сточарите ја напуштиле трибината, Министерството за земјоделство, шумарство и водостопанство одговорно известува дека трибината ја посетија повеќе од 180 земјоделци кои присуствуваа и активно дискутираа повеќе од два часа, до крајот на настанот, на разни теми од сите области на земјоделството. Неуспешен беше обидот на десетина партиски активисти да создадат впечаток дека земјоделците наводно ја напуштиле трибината, стои во пишаната реакција на Министерството за земјоделство.
Како што стои во соопштението, на денешната трибина во Велес, министерот за земјоделство, шумарство и водостопанство Љупчо Николовски, посочи дека МЗШВ и Владата ја следат состојбата со откупот на јагнето. Николовски потенцираше дека во моментов е сезоната на откуп, но пикот на продажба се очекува да биде после први април пред самите празници.
-Знаеме за откупната цена. Вчера и завчера постојано тимовите од МЗШВ комуницираат и ги следат состојбите. Бевме и сме во комуникација со сите засегнати страни, со здруженијата и со сточарите. Се одржаа низа средби во претходниот период и како ресорно министерство и како Влада она што можам да го кажам е дека нема да дозволиме сточарите одгледувачи на овци од нивниот производ да прават загуба и верувам дека сите заеднички ќе донесеме решение, изјави Николовски.
МЗШВ, се посочува, континуирано работи на воспоставување на контакти со нови пазари за извоз на јагнешкото и дека веќе течат преговори за добивање на квота за извоз на јагнешко месо на турскиот пазар. Заедно со здруженијата на овчарите МЗШВ редовно ја прати цената на европските берзи, посебно Хрватска, Грција и Италија како главни купувачи на македонското јагне.
Воедно се најавува дека во понеделник во Министерството за земјоделство, шумарство и водостопанство, ќе се одржи средба со фирмите кои вршат откуп и извоз на јагнешко месо и претставници на кланичната индустрија, при што ќе се разговара за откупот на јагнето и движење на цената на пазарот. Додека во вторник, се додсва, договорена е средба со Управниот одбор на Сојузот на одгледувачи на овци на Република Северна Македонија, на која ќе се разговара за производната и продажната цена на јагнето.
Во Програмата за рурален развој за 2019 е зголемена сумата за набавка на добиток од 14 на 91 милиони денари вклучително и за овчарство, а за поголема сигурност во инвестицијата – фармерите кои планираат да инвестираат во добиток, прво ќе склучат договор за поддршка со Платежната агенцијата па потоа ќе ја реализираат инвестицијата. Исто така, во Програмата за рурален развој се предвидени средства за околу 50 фотоволтаични колектори и ќе бидат распоредени во бачилата кои немаат електрична енергија. Во Програмата за директни плаќања 2019 година, зголемена е субвенцијата за литар произведено и предадено овчо и козјо млеко од 4 на 4,5 денари по литар. Според податоците од Агенцијата за храна и ветеринарство, во декември 2018 година, од Република Северна Македонија се извезени 2.897 јагниња или количина во килограми 33.509кг. Оваа година се извезени 16.533 јагниња или количина во килограми 173.427 килограми, се наведува во соопштението од МЗШВ.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка