МЗ уверува дека глукомерите се безбедни, идната недела дел од пациентите ќе добијат сензори

Од Министерството за здравство попладнево потврдија дека министерот Меџити остварил средба со директорот на Малмед, Лирим Шабани, и претседателот на Националната комисија за дијабет, Ирфан Ахмети.

На работната средба министерот беше информиран од страна на надлежните дека новите глукомери исполнуваат стандарди, за што од нивна страна беа приложени сертификати за квалитет и точност, како и упатства за употреба на апаратите кои им се даваат на пациентите со дијабет.

Дополнително на средбата се разговараше и за набавка на сензори за гликемија, од кои дел се очекува да стигнат следната недела, а дел во втората половина од октомври, информираа од Министерството за здравство