МЗ: Финансиска поддршка ќе добијат сите здравствени работници кои се вклучени во борбата со Ковид-19

Министерството за здравство соопшти дека во следните денови ќе направи темелна анализа кои здравствени работници и институции ќе бидат опфатени со мерката за финансиска поддршка.

Сите здравствени работници од сите нивоа и институции кои работеа со пациенти со Ковид-19, како што се посочува, ќе бидат вклучени во програмата.

-Оваа мерка пред сè е наменета за оние кои беа се прва линија во борбата со коронавирусот и никој нема да биде изоставен. Во тек е допрецизирање на целиот процес. Во однос на деталите за начинот на исплата и како ќе се користат овие средства, условите ќе бидат исти како сите оние кои ќе добијат платежна картичка. За начинот на функционирање на платежната картичка повеќе информации може да се добијат во Министерството за финансии, стои во соопштението од Министерството за здравство.