Муртезани: Стигна првата транша од ЕУ

Почна исплатата на првите пари од предфинансирањето во рамки инструментот за реформи и раст од ЕК. Траншата е во висина од 52,4 милиони евра, односно 7 отсто од вкупната вредност на финансиската поддршка која за за Македонија е во вредност од 750 милиони евра.

Земјава е прва од регионот која ги доби средствата од Планот за раст. Како дел од реформската агенда, македонската влада пред десет дена испратила и барање до Брисел за ослободување на дополнителни средства 17,1 милиони евра за имплементација на реформите со рок до делември годинава.