Муцунски разговараше со израелскиот амбасадор

Министерот за надворешни работи и надворешна трговија, Тимчо Муцунски, денес оствари телефонски разговор со неговиот израелски колега, Гидеон Саар.

Муцунски го поздрави неодамнешниот договор за ослободување на заложници и прекин на огнот во Газа, нагласувајќи го како значаен хуманитарен чекор напред и можност за воспоставување траен мир во целиот регион, информираат од Министерството.

Двајцата министри дискутираа за потенцијалот за продлабочување на билатералните односи, со посебен фокус на економската, технолошката и научната соработка.

Исто така, беа разгледани можностите за размена на искуства и знаења во области како образование, здравство, земјоделство, стартап екосистеми, технологија, туризам и култура, се вели во соопштението од МВР.