Може ли Ферари до победа во Монца

Шпанскиот возач Карлос Саинц победи на квалификациите за Големата награда на Италија и ќе стартува од пол-позицијата во Монца. Ферари целосно изненади на „домашната“ патека во нови бои, бидејќи третото најдобро време го постигна Шарл Леклер . Помеѓу нив двајца е, секако, актуелниот шампион и лидер во шампионатот Макс Верстапен , чиј Ред Бул овојпат не беше толку доминантен како на огромното мнозинство на трки оваа сезона во Формула 1 .

 

Џорџ Расел (Мерцедес) имаше четврто најдобро време , Серхио Перез (Ред Бул) беше петти , а Алекс Албон (Вилијамс) беше шести. Во првите десет се најдоа и Оскар Пјастре (Мекларен), Луис Хамилтон (Мерцедес), Ландо Норис (Мекларен) и Фернандо Алонсо (Астон Мартин) .