Моторџија прегази петгодишно девојче во Тетово
Две сообраќајки во кои се повредени вкупно четири лица се случиле вчера во Тетовско, информира денеска Секторот за внатрешни работи (СВР).
Како што соопшти портпаролот на СВР Марјан Јосифовски, во несреќата околу 17 часот и 30 минути на локалниот пат во Желино, од мотоцикл е удрено петгодишно девојче кое здобило скршеница на десната нога и веднаш било префрлено во Тетовската клиничка болница од каде, по укажаната помош е задржано на натамошно лекување. Мотоциклот го управувал Д.Б. (24) од Желино.
Полицијата извршила увид и работи на утврдување на сите околности околу несреќата. Според првичните податоци, причина за сообраќајката е невнимтелното преминување на патот од страна на девојчето.
Другата сообраќајка се случила околу 13 часот и 30 минути на регионалниот пат Тетово-Боговиње во селото Пирок. Се удриле Мерцедес со швајцарски регистарски таблички управуван од Б.И.(37) од Долно Палчиште, Форд Фиеста со тетовски регистарски таблички управуван од Б.К.(30) од Милетино и Мерцедес со тетовски регистарски таблички управуван од Ф.И.(62) од Долно Палчиште.
Во несреќата возачите на Фордот и Мерцедесот со тетовски регистарски таблички, како и 34 годишна сопатничка од Фордот се здобиле со телесни повреди и веднаш биле префрлени во Тетовската клиничка болница од каде по укажаната помош, на лекување бил задржан само возачот на Мерцедесот со тетовски таблички Ф.И.(62) од Долно Палчиште.
Полицијата извршила увид и според првичните податоци, причина за сообраќајката е недржење страна. Вкупната материјална штета се проценува на околу 150 илјади денари.
Ново на Сител
-
На ГП Табановце за влез и излез од државата се чека по околу половина час
-
Зеќирија Ибрахими е нов претседател на Алтернатива избран на вонредниот конгрес во Куманово
-
Кратово блесна во полн сјај на првата фестивалска вечер од ЗЛАТНИ ДЕНОВИ КРАТОВО 2024 | ФОТО
-
МВР го барала да го уапси, а тој пробал да лета преку аеродромот во Скопје
-
Повреден германски параглајдерист - Летал над Крушево
-
ДКСК: Го следиме именувањето на в.д. директори во државните институции, ќе реагираме ако има неправилности
-
Даути избрана за генерален, а Јајага за организациски секретар на АА
-
Следува период на многу топло време со температури до 40 степени