МОСТ промовира нова алатка за пријавување нерегуларности на изборите

Граѓанската асоцијација МОСТ креираше уште една алатка со која ќе им овозможи и олесни на граѓаните да пријават нерегуларности за време на изборниот процес за предвремените парламентарни избори.

Како што соопшти Асоцијацијата, од денеска е активна платформата http://neregularnosti.most.org.mk/ преку која секој граѓанин ќе може самостојно да пријави притисоци, инциденти, проблеми со Избирачкиот список, говор на омраза и други останати прекршоци поврзани со изборниот процес.

Преку оваа платформа, МОСТ истовремено ќе ги следи и евидентира и објавите по социјалните медиуми на кои ќе бидат регистрирани нерегуларности, и тоа преку: #izbori2016#neregularnosti#SePoSpisok #fantomi.

Дополнително, доколку самите граѓани не се во можност самостојно да ги внесат овие нерегуларности преку интернет платформата, покрај бесплатната телефонска линија 080 080 080, МОСТ креираше и посебна имејл адреса за пријавување на нерегуларности: neregularnosti@most.org.mk. 

Граѓанската асоцијација МОСТ ги повикува граѓаните да пријават какви било нерегуларности.