Мост побара од ХДЗ да се изјасни дали ќе се приклучи на преговорите за влада

Партијата Мост ја покани Хрватска демократска заедница (ХДЗ) и Патриотската коалиција денеска до 16 часот да се изјаснат дали сакаат да бидат дел од процесот за составување на влада, но без да поставуваат нови услови, со кои би можеле да го сменат документот вчера потпишан од Мост и од коалицијата на Социјалдемократската партија (СДП). 

Во соопштението од Мост се наведува дека на ХДЗ и дава повеќе време, како што и даде и на СДП, откако социјалдемократите одлучија да не учествуваат во трипартиската влада и парламентарното мнозинство.

Во вчерашниот документ од Мост и социјалдемократите се наведува дека двете страни се согласуваат да учествуваат во владата која ќе биде составена од претставници на Мост и двете коалиции, како и од непартиски експерти.