Москва загрижена за случувањата во Македонија, апелира на дијалог
Руското Министерство за надворешни работи изрази загриженост за како што наведуваат ескалирањето на состојбите во Република Македонија и апелира до сите страни за политички дијалог и смирување на тензиите.
- Со загриженост ги примивме соопштенијата за ескалирање на политичката спротивставеност во Македонија, за немирите кои се случија во Скопје. Ги повикуваме сите страни на политички дијалог и непровоцирање на нови изливи на кризата којa трае веќе повеќе од една година, се вели во соопштението испратено до медиумите од Руската Амбасада.
Воедно, се констатира дека зад ескалацијата на состојбите во земјата стои опозицијата поддржана од надвор.
- Констатираме дека македонската опозиција повторно стана инструмент за распалување на внатрешно-политички конфликт, меѓу другото со надворешна поддршка, со цел да не дојде до одржување на предвремените избори на 5 јуни кои претставуваат единствен демократски и легитимен излез од долгата криза. Одржувањето на изборите беше договорено уште летото 2015 година, со активна помош од САД и ЕУ, и западните партнери мораат да ги почитуваат постигнатите договори и своите обврски што ги имаат преземено во тој контекст, се вели во соопштението.
Според руското МНР, недозволиво е да се разнишува кревката ситуација во Македонија, имајќи ја предвид комплициранa етничка и верска структура на земјата,
- Активирање на „украинското сценарио“, надворешно инспирирање на незаконски дејствија и на државни удари може да доведе до сериозни потреси во Македонија, како и до дестабилизирање во целиот Балкански регион, се посочува во соопштението од МНР на Русија.
Ново на Сител
-
Полициската управа на Федерацијата БиХ ќе ги проверува наводите дали Радоичиќ набавил оружје од Тузла
-
Полицискиот хеликоптер исфрли над 40 тони вода, локализиран пожарот во Општина Зелениково | ВИДЕО
-
Мицкоски: Да се обединиме зад коалицијата предводена од ВМРО-ДПМНЕ
-
Ковачевски: Во ДПМНЕ има еден мал Груевски и еден голем Груевски
-
Радоичиќ сослушан, ги негирал сите кривични дела
-
Ердоган: Очекуваме повеќе од сојузниците во борбата против тероризмот
-
Милановиќ: Србија мора да објасни што се случи на Косово
-
Мицкоски на средба со туристички работници од Охрид: Автопатот Кичево – Охрид ќе биде еден од приоритетите на новата влада на ВМРО-ДПМНЕ