Мојот живот e уморна приказна, скината страница на која ништо не пишува: Тоше Проески и неговата „Игри без граници“ кријат силна порака

Тоше Проески и неговата „Игри без граници“ крие силна порака која многумина не ја сфаќаат. 

 

Денеска Тоше Проески требаше да наполни 38 години. Замина на трагичен начин пред 12 години. 

 

Издвојуваме дел од текстот од највпечатливата песна „Игри без граница“. 

 

 

Од една страна, огромна популарност и слава, а од друга страна, крик од длабочината. Доказ  дека "постигнувањата", сами по себе, немаат моќ да ја исполнат човечката најдлабока потреба.

 

Меѓутоа, понекогаш немаме со кого да ги споделиме своите маки или немаме доверба во луѓето, или не знаеме како да ја опишеме таа состојба. Па тоа го кажуваме преку песна, или преку некоја гестикулација, или можеби по некоја брза  реакција која е повеќе од обична реакција. 

 

Кога Тоше пееше за „навиките кои ги влече“, сигурно добро знаел за кои навики се работи, а кои му влијаеле на вистинските чувства кога вели дека неговиот живот е „уморна приказна и скинати страници...“На чувството дека неговиот живот е книга во која „ништо не пишува“. 

 

Песната е доказ дека и покрај тоа што еден човек може да има се, и да оствари се,   всушност понекогаш човек има чуство како да нема ништо. 

 

Во длабочината сите Ние имаме потреба од подобри зборови, и нашиот живот да биде книга на која навистина пишува добра приказна.