„Мојот антикорупциски дневник“ - Младите против корупцијата преку едукација и отпорност

Студенти и подмладоци на политичките партии преку повеќе работилници во јавното обвинителство ќе се стекнат со вештини и знаење како да се справуваат со корупцијата. Младите ќе учат како да водат антикорупциски дневник, во рамки на борбата против корупцијата која како идни политичари ќе треба да ја спроведуваат во иднина.

Во онлајн антикорупциски дневник учесниците ќе ги забележуваат антикорупциските активности што им се случуваат во секојдневието, без разлика дали лично ги доживеале или биле сведоци на такви дејства.

Проектот „Мојот антикорупциски дневник“ е поддржан од Амбасадата на САД и го спроведува Фондацијата ИДЕА.