Модриќ за 400 натпревари за Реал: Ми се исполни сонот да играм овде

– Фудбалерот од средниот ред Лука Модриќ во неделата го одигра својот 400. натпревар за Реал Мадрид. На неговиот јубилеј, Реал ја совлада Барселона на гостински терен со 2:1 во 10. коло од Ла Лига.

– Ова е неверојатно достигнување, горд сум и многу среќен поради тоа. Се надевам дека ќе одиграм уште многу натпревари. Сè ми оди добро во Реал Мадрид од самиот почеток. Никогаш не мислев дека ќе успеам да го постигнам ова што го направив до сега. Го исполнив мојот сон да играм за Реал Мадрид. Благодарен сум за сите моменти што ги доживеав овде и нема да застанеме тука, изјави Модриќ.

Хрватскиот фудбалер за Реал настапува од сезоната 2012/13.