МНР: Продолжува потрагата по третиот наш државјанин на Халкидики со хеликоптер и бродови

Нашите дипломатски-конзуларни претставништва во Грција рано наутро добиле потврда дека продолжува и денеска потрагата со спасувачка акција во полн капацитет – хеликоптер и бродови – како претходните два дена по исчезнатиот наш државјанин во местото Посиди, Грција, соопшти утрово МНР.

Во соопштението се посочува дека здравствената состојба на двајцата државјани кои вчера и завчера беа извлечени од море е добра, истите се наоѓаат во болница и се очекува нивно брзо пуштање од болница.

– Нашите претставништва остануваат во интензивен контакт со надлежните институции на Грција и секоја информација навремено ќе биде пренесена, велат од МНР и упатуваат благодарност до крајбрежната стража на Грција, грчкото воено воздухопловство и локалното население/волонтерите вклучени во потрагата за нивниот неизмерен труд и пожртвуваност.