Младо момче со прострелна рана итно донесено на Ургентен

Дваесет и четири годишниот Ј.Р. од гостиварското село Чајле вчера вечерта со прострелна рана бил донесен во гостиварската болница.

Поради сериозноста на повредата момчето било итно пренесено во Ургентниот центар во Скопје.

Полицијата засега нема подетални информации како дошло до повредата. Оттаму информираат дека се преземаат мерки за целосно расчистување на случајот, по што ќе бидат познати повеќе детали.