Младите не се доволно запознаени со културното наследство

Младите не се доволно запознаени со вредното културно богатство со кое располага нашата земја. Од Младинскиот центар од Охрид велат дека  според податоците и во разговори со младите можеби знаат каде се наоѓаат локалитетите но голем дел од нив незнаат што се крие зад нивната историја  и што има во нив.

Од младинскиот центар велат дека како дел од активностите и кампањата преку која се споделуваат корисни информации и интересни факти за културните споменици, наречена: „Истражете го Охрид: дигитална одисеја низ културните знаменитости и музеи“предвидени се и посети на локалитетите.

Децата и младите луѓе имаат клучна улога во иднината на заштитата и промовирањето на културното наследство и го претставуваат најзначајниот ресурс за креативни идеи и воопшто, за придонесот кон културата.