Млада кумановка тешко повредена во сообраќајка, четворица задржани во болница

Вчера околу 21.50 часот во Куманово на раскрсницата од бул.„Трета Македонска ударна бригада“ и бул.„Октомвриска Револуција“, се случила сообраќајна незгода помеѓу возило „Ровер“ управувано од А.Ј.(18) од Куманово и патничко моторно возило „Шкода Октавија“ управувано од М.С.(24) од Куманово.

 

Во незгодата со тешки телесни повреди се здобила сопатничката во ПМВ„Ровер“ С.С.(19) од Куманово, на која и била укажана лекарска помош во МЦ-Куманово, по што била препратена во Ургентниот Центар-Скопје, додека А.Ј, М.С. и сопатниците во патничко моторно возило „Шкода Октавија“ А.Д.(28) и М.Т.(25), сите од Куманово, по укажаната лекарска помош во Медицински центар-Куманово се задржани на лекување.

 

Увид на лице место извршила екипа од  кумановска полиција.