Мизрахи: Холокаустот да биде потсетник и никогаш повеќе да не бидеме сведоци на такви злосторства
Министерската за труд и социјална политика Рашела Мизхрахи денеска се придружува во одбележувањето на Меѓународениот ден на сеќавањето на холокаустот 27 Јануари, со пораката: Да не се повтори!
-По повод Меѓународниот ден на сеќавањето на холокаустот 27 јануари, ден кој Генералното собрание на Обединетите Нации во 2005 година одлучи да им се посвети на жртвите, односно да им се оддава почит на жртвите на холокаустот, ден кога концентрациониот логор Аушвиц конечно престана да функционира, Министерството за труд и социјална политика се придружува во одбележување на тој ден со пораката: Да не се повтори!, вели во пишаната изјава Мизрахи.
-Како човек и претставник на еврејската заедница во државава, но и како министер сакам да порачам овие настани засекогаш да останат во историјата и да бидат потсетник никогаш повеќе да не бидеме сведоци на такви злочини. Историјата сведочи дека над пет милиони Евреи беа жртви на Третиот Рајх, но и други народи Роми, Словени кои беа жртви на погромот од страна на нацистичкиот режим. Меѓу жртвите на холокаустот беа и 7.200 македонски Евреи. Нека денешниот ден биде потсетник за она што бидува, кога омразата станува лудило, а лудилото епидемија. Никогаш повеќе да не се повтори!, стои во пораката од министерката Мизрахи, соопшти МТСП.
Ново на Сител
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана