Митревски: Да се реализираат кривичните пријави против лицата кои лажно се претставуваат
Сојузот на синдикатите на Македонија (ССМ) ги повикува надлежните институции да почнат да ги реализираат кривичните пријави против, како што велат, фалсификаторите кои се обидуваат лажно да се претставуваат, насилно влегуваат во просториите на Синдикатот и го попречуваат владението.
- Обидот за насилен упад во ССМ беше спречен благодарение на функционирањето на правниот систем. Дефинитивно е утврдено дека решението на техничката министерка Ременска било фалсификувано, дека не се спроведувани процедурите и дека не е направена постапка, а 13 од 17 грански синдикати јасно укажаа дека не учествувале нивни претставници, ниту, пак, била направена постапка. Решението е поништено од страна на Министерството за труд и социјална политика и никогаш во Централниот регистар не било избришано името на легитимниот претседател на ССМ Живко Митревски, рече Митревски на денешната прес-конференција во ССМ.
Нагласи дека се покажува оти таканаречениот в.д. претседател Димовски и претседателите на четирите грански синдикати кои се исклучени од ССМ немаат поддршка од членството и додаде дека тоа и визуелно се гледа и од денешното собирање пред зградата на ССМ.
- Пред ССМ е собрана група од триесетина лица од кои половината не се ниту членови на ССМ и се пуштени од некои други структури. Тоа покажува дека целокупното членство на ССМ дава апсолутна поддршка на легитимно избраното раководство на ССМ заедно со претседателот, рече Митревски и додаде дека се отворени кон членовите на исклучените грански синдикати, но не и кон нивните претседатели, кои, како што рече, прават обиди да ја дезинформираат јавноста.
Тој ги обвини претседателите на четирите исклучени грански синдикати од ССМ дека направиле криминал и оти само на име на неплатена членарина во последните две години го оштетиле Синдикатот за повеќе од 15 милиони денари. Од нив повеќе од 2,5 милиони денари се од Агросиндикатот, над 4,6 од СИЕР, речиси 4,4 од УПОЗ и повеќе од 3,3 милиони денари од СУТКОЗ.
Митревски посочи дека се што се случува во последниот период во ССМ е оркестрирано и е поврзано со одредени структури од надвор и со одредени бизнис интереси.
Ново на Сител
-
Укината блокада на трите гранични премини меѓу Косово и Србија
-
Ангелов: Попладневните дождови помогнаа во гаснењето на пожарот во прилепско Мариово
-
Бод за македонската репрезентација од гостувањето во Фарски острови
-
Тројца малолетници лишени од слобода поради физички напад во Градски парк
-
Две лица од Кочани лишени од слобода поради сомнение дека извршиле убиство на нивниот сосед во неговиот дом
-
Средношколец од Скопје се заканувал на вработени во училиштето, оштетил инвентар
-
Николовски: Го поставивме лозаровинарскиот сектор како еден од најприоритетните во делот на поддршката од Владата и државата
-
Мелони и Зеленски разговараа за постигнување праведен мир и обнова