Владислав Росљаков, кој на 17. октомври изврши напад во училиште во Крим, пред нападот ги запалил своите лични работи и закопал сеф.
Пред извршување на злосторството Росљаков ги запалил своите работи на теренот на кој вежбал пукање. Меѓу запалените работи се наоѓале и неговите фотографии, тетратки, мемориски картички, како и верска литература.
На видео снимката која ја поседува телевизијата, се гледа како напаѓачот носи сеф на напуштено место и кој подоцна, според податоците на телевизијата, Росљаков го закопал.
Во овој момент не е познато што точно се наоѓало во сефот, но се верува дека неговата содржина може да даде претстава за мотивите на убиецот и причините за трагедијата, тврди телевизијата.
Во средата на 17. октомври ученикот од четврта година Владислав Росљаков пукал и активирал бомба во Политехничкото улилиште во Керч. Во нападот загинаа 21 лице - 16 студенти и петмина вработени.
Напаѓачот изврши самоубиство во училишната библиотека.
