Мисајловски: 23 Октомври нè потсетува на највозвишените идеали – слобода, самобитност, патриотизам и љубов кон татковината

Министерот за одбрана Владо Мисајловски по повод 23 Октомври – Денот на македонската револуционерна борба упати честитка до граѓаните во која истакнува дека овој ден нè потсетува на највозвишените идеали – слобода, самобитност, патриотизам и љубов кон татковината.

-Денешниот ден нè потсетува на највозвишените идеали – слобода, самобитност, патриотизам и љубов кон татковината. Искрата разгорена токму на овој ден во 1893 година ја претвори македонската мисла во движење и ги постави темелите на нашата држава, истакнува министерот Мисајловски.

Тој порачува дека патриотизмот не е само збор, туку е симбол на достоинство, храброст и единство во секојдневието и во службата, во почитта кон другите, но и во грижата за татковината.

-23 Октомври е потсетник дека љубовта кон Македонија е трајна вредност што треба да ја чуваме, негуваме и пренесуваме на идните генерации.  Нека ни е честит 23 Октомври – Денот на македонската револуционерна борба! Да ни е вечна Македонија, наведува министерот Мисајловски во честитката.