Мирна состојбата со морбили, препораки за спречување појава и ширење
Состојбата со морбили во државава е мирна, од почетокот на годинава се регистрирани девет случаи од кои само четири се епидемиолошки поврзани, соопшти Комисијата за заразни болести при Министерството за здравство по денешната редовна работна средба за состојбата со морбили во државава, соседството и во европскиот регион.
Следејќи ја состојбата со епидемии на морбили во соседните држави, со појава на смртни случаи, а имајќи ги предвид честите меѓународни патувања и комуникација, како и нискиот опфат со вакцинација против морбили во државата, Комисијата за заразни болести донела заклучоци, со цел спречување појава и ширење на морбилите во државава.
Препорачува службите за имунизација при здравствените домови да ги интензивираат активностите за проверка на евиденцијата и изнаоѓање невакцинирани или непотполно вакцинирани деца, со цел нивна вакцинација.
Здравствените работници, пак, да обрнат посебно внимание на исипните трески кај пациентите и доколку се посомневаат за морбили веднаш да пријават до надлежните служби.
На лицата кои патуваат во држави каде има активни епидемии на мали сипаници им се препорачува да го проверат својот вакцинален статус. Проверката за лицата од 12 месеци до 18 години треба да се направи во вакциналните служби, а за лицата на возраст од 19 до 45 години во центрите за јавно здравје. Доколку овие лица се невакцинирани, некомплетно вакцинирани или немаат доказ за прележана болест соодветно ќе се вакцинираат.
- Препорака до родителите е навремено да ги вакцинираат своите деца, пред се поради заштита на нивното здравје, како и заштита на здравјето на најблиските и на пошироката заедница, соопшти Комисијата за заразни болести.
Ново на Сител
-
Армијата ангажирана во справувањето со пожарите
-
Вајц: Предлозите за вметнување на македонскиот јазик и идентитет во Извештајот не беа грешка
-
Поради пожар затворен дел од скопската обиколница, сообраќајот кон ГП Блаце пуштен само за патнички возила
-
Пронајдено починато лице во близина на пожарот во кривопаланечко
-
Утре посвежо со пониски максимални дневни температури
-
Три пожари во Крива Паланка, градоначалникот бара итна интервенција | ВИДЕО
-
Тешко повреден велоспедист во сообраќајка на патот Радовиш-Штип
-
Запалено столче во спортска обложувалница во Скопје