Мирен протест на иницијативата „За заедничка Македонија“ во Велес
Граѓанската иницијатива „За заедничка Македонија“ денеска во Велес организира мирен протест, кој започна пред споменикот на Панко Брашнаров во новиот дел на Велес, продолжи низ главната велешка улица „Благој Ѓорев“ се до Младинскиот парк.
Учесниците во програмата од сите возрасти мирно и достоинствено ја искажаа својата решеност да истраат во напорите за зачувување на унитарноста на Република Македонија, во одбрана на Уставот, името, грбот и знамето на државата.
Александар Кукулев новинар и публицист, од собирот порача дека не се против ниту еден етникум кој живее во Македонија.
- Но, ние сме против редефинирање на Македонија во бинационална држава. Ние немаме право да ги омаловажиме културните особености на Србите, Бошњаците, Ромите, Власите и сите останати наши сограѓани. Тука сме за да бидеме силно обединети, за Македонија унитарна заедничка држава на сите кои живеат во неа и единствениот модел кој има шанса и со кој може заеднички да зачекориме во иднината подобра за сите. Македонија е единствениот интерес на сите нејзини граѓани, затоа сме тука и ќе бидеме тука се додека е потребно, порача Кукулев.
Со свои стихови за Македонија настапи писателката Олга Навечева и КУД „Керамичар“ изведе македонски ора. Химната на Македонија ја отпеаја младите музички ѕвезди од Велес, Мики Секуловски и Орхидеја Дуковска.
Популарно од Македонија
Ново на Сител
-
Путин испрати новогодишни честитки до Орбан и Фицо, изоставувајќи ги останатите западни лидери
-
Леброн Џејмс денеска полни 40 години
-
Потврдена пресуда против Трамп за сексуално злоставување
-
Агелер за Груби: Важно е луѓето да бидат повикани на одговорност за нивните дела, се надевам дека тој е еден од нив
-
ОЈО ГОКК донесе наредба за распишување потерница и предложи притвор за Васко Ковачевски
-
Судскиот совет на РСМ ќе избира нов претседател на 3 јануари
-
19-годишен возач прегази малолетен пешак во тетовско
-
Таткото и мајката на детето кое изврши убиства во ОУ „Владислав Рибникар“ осудени на 14,5 и на три години затвор
