Министерството за локална самоуправа финасиски ќе поддржи проекти во Велес и Кавадарци
Министерството за локална самоуправа во Вардарскиот плански регион годинава финасиски ќе поддржи два проекти во општините Велес и Кавадарци. Како што информираат од општина Велес проектите се од извештајот за оценување на проекти за поттикнување на рамномерен регионален развој.
Како што информира на денешната прес-конференција градоначалникот Славчо Чадиев, конкретно за граѓаните на општина Велес, најзначаен е проектот за заштита на водите на Езеро „Младост“ преку регулирање на отпадните води во населба Отовица во висина од 8.197.364 денари средства од Министерството за локална самоуправа преку програмата за рамномерен регионален развој.
- Близината до Езерото „Младост“, можностите за развој на туризмот и добрата комуникација со градската средина ја прави оваа локација многу атрактивна. И самите сте сведоци дека Отовица е едно од ретките населени места кои во изминатиот период растеше како со бројот на ново изградени објекти за живеење и викенд куќи, така и според бројот на население, потенцира Чадиев.
Воедно информира дека со реализацијата на овој проект директна корист ќе имаат околу 300 жители на ова населено место, а локалната самоуправа очекува дека ќе влијае за забрзување на развојот во оваа рурална средина.
Тој потсети дека претходно во село Отовица е асфалтиран пат во должина од 630 метри, кој го поврзува Езерото „Младост“ со автопатот Велес – Скопје, инвестиција која изнесува 4,5 милиони денари.
Воедно се реконтруираше и делот од училиштето во село Отовица кој беше опожарен со што учениците добија нормални услови за настава потсети Чадиев.
Ново на Сител
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера
-
Во Кочани одбележана 119-годишнината од загинувањето на Никола Карев
-
Сончево со мала до умерена облачност, следува период на релативно топло време
-
Саливан: САД засега немаат системи за противвоздушна одбрана „Патриот“ кои би можеле да ги испратат во Украина
-
Земјотрес со јачина од 6,9 степени по Рихтеровата скала го погоди југозападниот дел на Јапонија
-
Промовирана новата генерација полициски службеници
-
Претрес во Штип, пронајдена дрога