Министерот Ибраимоски се сретна со германскиот амбасадор Герберих

Министерот без ресор за имплементација на Стратегијата за подобрување на состојбата на Ромите во Република Македонија Самка Ибраимоски денеска се сретна со германскиот амбасадор во Македонија Томас Норберт Герберих. 

На средбата, како што информира Кабинетот на министерот, Ибрамоски го истакнал прашањето за Ромите повратници од азил и за нивна можна реинтеграција. Како приоритет Ибраимоски ги нагласил домувањето и образованието како поголеми проблеми со кои се соочува ромското население во Македонија.

- Министерот Ибраимоски и амбасадорот Герберих истакнаа дека заедничката заложба за подобрувањето на состојбата на Ромите во Македонија е од голем национален интерес и за двете страни, се вели во соопштението.