Министерот Адеми во работна посета на Малта
Министерот задолжен за дијаспора, Едмонд Адеми од денеска до 13 февруари ќе престојува во работна посета на Република Малта.
За време на посетата, министерот Адеми ќе оствари средби со претставниците на македонската дијаспора во Малта, при што ќе учествува во настанот за отворање на Македонскиот културен информативен центар во Валета.
Покрај средбите со дијаспората, министерот Адеми ќе оствари билатерални средби и со министерот за надворешни работи на Малта, Кармело Абела, министерот за правда, култура и локална самоуправа, Овен Боничи и со министерот за образование и вработување, Еварист Бартоло.
Фокусот на средбите со малтешките соговорници, ќе биде ставен на можностите за рамковно регулирање на престојот на дијаспората на Малта, нивното реорганизирање, можности за иницирање на договори за социјално осигурување, престој, издавање на лична документација и други прашања согласно малтешкото и европското законодавство.
Воедно, на средбите со министрите ќе стане збор за повеќе прашања од заемен интерес и тоа пред се за унапредување на севкупната билатерална соработка, со акцент на регулирање договорната рамка меѓу двете земји, иницијативи за меѓуресорна соработка, динамизирање на политичките консултации и организирање обострани посети на највисоко ниво.
Меѓу останатото, ќе стане збор и за активностите на Република Македонија за членството во НАТО и ЕУ, како и размена на мислења за регионалната соработка и други прашања од меѓународен интерес.
Ново на Сител
-
Мисајловски: Само со стабилно финансирање ќе успееме да ги развиваме одбранбените способности
-
Мицкоски за писмото до ЕУ: Се уште правиме анализи, избрзани чекори се лош потег
-
Сомневањата за вмешаноста на таткото на Вања првично потекнаа од изјавите на Велибор и Боре, изјави сведок на судењето
-
Барак и Мишел Обама се вклучија во кампањата на Камала Харис за избор за претседател на САД
-
Четворица работници повредени во ескплозија во погонот за артилерија во фабриката Слобода во Чачак
-
По повод 20-годишнината, НЕОТЕЛ воведува нов пакет за деловни корисници со брзина до 500 Mbps
-
Мицкоски: Не очекувам да има турбуленции и позначителни потреси на пазарот со електрична енергија во земјава
-
Сведок во судењето за убиството и Вања и Панче: Запалениот цитроен „цитроен“ не донесе до пик-ап возилото и партијата „Десна“