Минимален пораз на македонските ракометари од Исланд (30-29)
Машката ракометна репрезентација на Македонија претрпе минимален пораз (30:29) на дуелот од 4.коло од групата 4 во квалификациите за Европското првенство во Хрватска. Домаќинот Исланд ја оствари втората победа, па така сите четири селекции во оваа група имаат четири бодови и гол разликата до ова коло го решава пласманот.
Македонија на синоќешниот дуел можеби беше најблиску од сите свои гостувања да дојде до позитивен резултат против Исланд на Негов терен.
Во првиот дел Македонија имаше постојано водство, кое домаќинот успеваше да го стигне и на полувреме беше 16:16. Во второто полувреме противникот се одлепи во моментите кога постигна три гола на „празен гол“ кога поради исклучувања игравме без голман. Исланд дојде до четири голови разлика (28:24). До крајот на дуелот Македонија успеа само да го намали резултатот но немаше време за изедначување. Најефикасни кај Македнија беа Кирил Лазаров со 8 голови, Манасков постигна 7, а Миркуловски 6, додека Борко Ристовски имаше 15 одбрани.
Кај Исланд најефикасни беа нивните бекови Гудмунсон (7) и Карасон (6) кои заедно постигнаа 13 голови.
Табела: Чешка 4 бодови (+10 гол разлика), Македонија 4 (+3), Исланд 4 (-5), Украина 4 (-8).
Следните натпревари (последни од квалификациите) Македонија ги игра на 15.јуни со Украина на гости и на 18.јуни на домашен терен.
Ново на Сител
-
Поранешниот британски принц Ендру е приведен поради непристојно однесување на јавна функција
-
Влада: Лажна вест е тврдењето на СДСМ дека семејството на премиерот Мицкоски патувало до Хрватска со владиниот авион
-
Зеленски: Ако се сретнам со Путин, ќе разговарам за брзо завршување на војната, а не за историја
-
Вајц: Северна Македонија да испорача реформи, а ЕУ да ги исполни своите обврски
-
Герасимовски: Казни за четири градилишта во Центар, нулта толеранција за прекршување на прописите
-
Муцунски: Над 60 проценти од новите кандидати за амбасадори се професионални дипломати
-
Трамп: Не сум расист, освоив повеќе гласови од Црнците од кој било републиканец
-
Поранешниот јужнокорејски претседател Јун Сук-јеол осуден на доживотен затвор
