Микл-Лајтнер: Се уште не е решен проблемот со бегалците
Министерката за внатрешни работи на Австрија Јохана Микл-Лајтнер истакнува дека по договорот на Европската унија со Турција, се уште не се решени проблемите со бегалците и дека сега се зависи од примената на договорот.
Во изјава за виенски Естерај, таа вели дека досега се донесени многу одлуки и оти е битна конкретната примена. Подготовките за воведување нови гранични контроли во Австрија се вршат и понатаму, изјави таа.
– Се уште не е завршено. Никој денес не може да каже колку е одржив договорот, а пред се тој се однесува само на балкатнската рута. Ако е потребно ќе ги прошириме контролите и на други премини, објасни Микл-Лајтнер.
Таа порача дека Анкара не смее да го погазува основните права во Турција, како што е слободата на медиумите, и за тоа ќе биде наградена со специјален третман за прашањето за визна либерализација.
Министерката истакна дека по договорот со Турција нејзините ставови за бегалската криза се потврдени.
– Пред половина година бевме критикувани кога реков дека мора да работиме на изградба на тврдина од Европа. Сега сите 28 држави членки тоа и го прават, и тоа е добро, констатираше таа.
Ново на Сител
-
Активен пожарот помеѓу Слупчане и Ваксинце, зафатена сува трева и нискостеблеста шума
-
Премиерот Мицкоски на поставување камен темелник на нова спортска сала во Воената академија во Скопје
-
ЦУК: Активни четири пожари, два под контрола
-
Првиот клуб на починатиот фудбалер Жота ќе користи дрес со неговиот лик
-
Тројца убиени во руски напад во регионот Запорожје, вели регионалниот гувернер
-
Без струја дел од општина Карпош
-
На граничните премини Табановце и Богородица се чека околу 30 минути
-
Гром удри на фудбалски натпревар во Србија, десет играчи паднале на теренот, од кои еден е тешко повреден