Мијалков позитивен на Ковид-19, рочиштата за „Тврдина-Таргет“ на пауза

Рочиштата за предметот „Тврдина-Таргет”, во следните 20 дена нема да се одржат. Ова произлегува од вечерашната вест дека обвинетиот во овој случај Сашо Мијалков, е позитивен на Ковид-19, па според протоколите терапијата за коронавирусот трае минимум 20 дена.

„Максимално се трудев да ги почитувам мерките и препораките на експертите, но за жал добив резултат кој вели дека сум позитивен на Ковид 19. Ова е борба со непријател кој не ни е целосно познат, но нема предавање.  Чувајте се и внимавајте на себе и блиските“, напиша на својот профил на ФБ поранешниот директор на УБК Мијалков.