Миграцијата во Британија двојно се намали по Брегзит

Бројот на мигранти што пристигнуваат во Британија значително се намали во изминатите 12 месеци, соопшти британскиот Завод за статистика.

Според податоците кои беа објавени денеска, во Британија се доселиле 106.000 лица во периодот од јуни 2016 до јуни 2017 година, односно во годината по успешниот британски референдум за напуштање на Европската унија. Во истиот период од 2015 до 2016 година, во Британија се доселиле вкупно 230.000 лица.

Најголем број од мигрантите доаѓаат од земјите членки на Европската унија.