Балкан
16. February 2016 - 12:33

Мицотакис: Затворање на границите нема да го реши проблемот

Затворањето на границите не е одговор на проблемите и секој треба да го сфати тоа, изјави денеска лидерот на најголемата грчка опозициска партија Нова демократија Кирјакос Мицотакис.

Тој, исто така, ја обвини Владата дека има „чуден и аматерски“ став, јави дописникот на МИА.

- Слушаме дека министри велат оти можноста за затворање на северните граници на земјата, најверојатно, нема да се избегне, рече Мицотакис и ја повика Владата да го смени својот став.

- Сите треба да се бориме за да се избегне овој негативен развој за нашата земја, рече лидеорт на Нова демократија и информира дека оваа тема ќе биде на прво место на средбите што ќе ги има во Брисел во следните неколку дена.