Мицкоски: ВМРО-ДПМНЕ ќе направи што и да треба за добавување на вакцини против КОВИД-19
По денешната посета на пазарџиите на Зелен пазар и по изјавата за медиуми, претседателот на ВМРО-ДПМНЕ, Христијан Мицкоски, беше прашан кој е неговиот став во однос на задоцнетото пристигање на вакцини против КОВИД-19.
„Повторно треба да се вратиме на прво прашање кое што ми беше поставено, дај Боже денеска да имаме ние вакцини. Еве, јас поддржувам и идната недела да имаме вакцини и ќе поддржам било кога само нека ги донесат тие вакцини. Нека почне оној кој што сака да се вакцинира, да се вакцинира. Се срамам, што сме последни, што сите држави во Европа буквално почнаа. Што еден Авганистан има половина милион дози добиено, а ние како држава уште коленичиме, се молиме на лево, на десно, да добиеме 10,20,50.000 или 2.000 дози“, истакна Мицкоски.
Мицкоски додаде дека го охрабрува министерот за здравство, и воедно целата власт да излезат и јавно да ја кажат вистината на јавноста, кога конечно ќе пристигнат вакцините против КОВИД-19 во државата.
„Што треба ние како ВМРО-ДПМНЕ, како опозиција да направиме, ќе направиме, да им помогнеме во таа намера бидејќи гледаме дека се тотално неспособни. А, за скандалите во здравството, само да дополнам, ќе бидете сведоци во периодот кој што следи, да видете дека на се се фокусирани, само не се фокусирани на обезбедување на вакцини и борба против оваа пандемија која што за жал не задеси“, нагласи Мицкоски.
Ново на Сител
-
Приведен 75-годишен охриѓанец, возел со брзина од 126 километри на час каде ограничената брзина е 50
-
Приведени двајца малолетници, фатени при кражба од црква
-
Најголемиот камен од Марс продаден на наддавање за над 3,7 милиони евра
-
Приведени две лица од Кичево, при претрес на нивниот дом пронајдена е дрога
-
Кривична против 29-годишник, пукал кон три лица со ловечка пушка
-
Конгресот на САД го усвои законот за намалување на странската помош и финансирањето на јавните медиуми
-
Земјите од ЕУ се согласија за нова рунда санкции кон Русија
-
Изгаснат пожарот кај Мршевци, активен е еден во Велешко, а четири се под контрола