Мицкоски: Секогаш кога дуото Заев-Бучковски нешто работи тоа е на штета на македонскиот народ и држава
Претседателот на ВМРО-ДПМНЕ Христијан Мицкоски денеска присуствуваше на отворањето на реновираниот Спортски центар во Ново Лисиче, кој ќе го носи името на ракометарот Марко Божиновски, каде имаше и изјава за медиумите. Тој одговарајќи на прашање за тоа каков е неговиот став за тоа што Владата повторно го назначи Владо Бучковски за олеснувач во преговорите со Бугарија, рече дека таквиот потег е продолжување на политиките на заевизмот и предавствата и дека секогаш кога дуото Заев-Бучковски нешто работи тоа е на штета на македонскиот народ и македонската држава.
„Продолжување на политиките на заевизмот и на предавствата. Тие мислат дека прават јуначко дело, а во суштина секогаш кога ова дуо Бучковски-Заев нешто работи, знаете дека е на штета на македонскиот народ и на штета на македонската држава. Очекувам такво нешто и да продолжи да работи Владо Бучковски. Тој ќе остане запаметен само по една работа а тоа е дека продолжува да апологет на погрешните и предавнички политики на Зоран Заев. Жалам што сме колеги на факултетот, бидејќи тој е редовен професор како што сум и јас и жалам што еден мој колега одбрал да слугува на човек кој буквално нема никаква резерва кога станува збор да го продава македонскиот идентитет, македонската супстанца и македонската држава“, потенцираше Мицкоски.
Христијан Мицкоски, претседател на ВМРО-ДПМНЕ
Центар за комуникации на ВМРО-ДПМНЕ
Ново на Сител
-
Мицкоски: Одржав состанок на кој ги поставивме контурите на рамката врз која ќе го градиме коалицискиот потенцијал со останатите партии
-
Атина очекува да ги чуе позициите на новата Влада во Скопје, а потоа ќе коментира
-
Митрески го чека извештајот од ДИК и ќе закаже седница за инаугурација на Сиљановска Давкова во недела во 12 часот
-
Мазутот поевтинува, цената на бензините и дизелот не се менува
-
Вкупно 538 случаи на голема кашлица до 2 мај, регистрирани првите од Крушево
-
Белгиските и холандските медиуми за изборите: Гласачите изразија незадоволство од бавните преговори за членство со ЕУ
-
Во Шпанија луѓето живеат во просек 84 години
-
Лазаров побара голема поддршка од публиката пред реваншот со Фарски острови