Мицкоски бара Бугарија да го екстрадира бегалецот Симеон Михаилов, татко на Ива Михаилова

Премиерот Христијан Мицкоски денеска ја повика Бугарија да го испорача Симеон Михаилов, кој во Македонија е осуден на 12 и пол години затвор во случајот „Детонатор“ и по кого е распишана меѓународна потерница.
Михаилов завчера се појави во живо во вестите на бугарските медиуми за време на протест пред зградата на македонската амбасада.
Во меѓувреме, против неговата ќерка Ива Михаилова во Кочани се води судска постапка во која таа е обвинета за предизвикување сообраќајна несреќа со смртни последици. Судот ѝ има определено мерка со која не смее да ја напушти Македонија до завршувањето на постапката, додека таа тврди дека треба да замине на лекување во Бугарија.
Мицкоски порача дека очекува бугарските власти да постапат согласно партнерските односи меѓу двете земји во рамките на НАТО.
„Ние имаме потерница за тоа лице и очекувам нашите партнери да постапат соодветно на партнерството. Ние сме партнери со источниот сосед во рамките на НАТО. Очекуваме луѓето кои се бараат со потерница, кои направиле некакво кривично дело, да ги испорачаат, во духот на партнерството, за да се соочат со законот и со правдата“, изјави Мицкоски.
Ново на Сител
-

Сашко Кедев влезе во Гинисовата книга на рекорди како највозрасен човек кој ги искачил сите 14 врвови над 8.000 метри
-

Претреси во Неготино, пронајдена дрога, приведени две лица
-

„Алта банка“ оди на продажба: Народната банка бара нов сопственик за 95 отсто од акциите
-

„Тешко е да се биде оптимист“ - Гутереш не гледа скор крај на војната во Украина
-

Искра Хаџи Василева денеска ја презема функцијата шефица на ОЈО ГОКК
-

„Разговори за иднината во 12:05“: Нема амнестија за корумпираните политичари, незаконскиот имот мора да се одземе
-

Смртоносен пожар на туристичкиот остров Пукет, 11 загинати и 16 повредени | ВИДЕО
-

Експлозии во Ормуската Теснина: Два танкери налетале на мини, уште шест се запалиле
