Метју Палмер во посета на Тирана
Американскиот заменик-помошник државен секретар Метју Палмер денеска ќе допатува во Тирана, со цел да помогне во изнаоѓањето решение за излез од политичката криза во земјата.
Палмер денеска ќе се сретне со албанскиот премиер Еди Рама, додека во текот на утрешниот ден планирани се негови средби со претседателот на Албанија, Илир Мета, како и со лидерите на опозициските Демократска партија и Социјалистичко движење за интеграција, Љуљзим Баша и Моника Круемади.
Според аналитичарите, се очекува со посетата на Палмер длабоката политичка криза во Албанија да добие друга насока.
Тие потсетуваат на посетата пред две години на Брајан Хи, кој успеа да ги убеди Рама и Баша да седнат на преговарачка маса и да се договорат, по што беше надмината тогашната криза пред парламентарните избори.
Сепак се чини дека на Палмер ќе му биде потешко, бидејќи не успеа неговиот прв обид преку телефонски разговор да ги убеди Баша и Круемади да се премислат во одлуката опозицијата да се откаже од пратеничките мандати.
Пред доаѓањето на Палмер, претседателот Мета упати апел власта и опозицијата да почнат дијалог за изнаоѓање решение, со цел во земјата „да се вратат уставноста, институционалноста и демократијата”.
Ново на Сител
-
MEF25: Енергетската транзиција е политички, економски и генерациски предизвик
-
ФПН во Белград, по анонимна и лажна дојава за бомба: Никој да не биде во зградата на факултетот на 17 јуни
-
Г7 договори нацрт-изјава за Израел и Иран, но Трамп најверојатно нема да ја потпише
-
Муцунски: Работиме на засилување на динамиката на средби со официјална Софија
-
ЕХФ му изрече двегодишна суспензија на грчки АЕК, парична казна за Алкалоид
-
При израелски напад погодена иранската државна телевизија
-
Захарова: САД ја откажаа средбата со Русија за нормализирање на работата на дипломатските мисии
-
Субвенции од 2.000 денари месечно за сите средношколци од прва година од кривопаланечката гимназија