Месиќ: Неотворањето на преговорите со Северна Македонија и Албанија е лоша одлука на ЕУ
Поранешниот претседател на Хрватска Стипе Месиќ смета дека неотворањето на преговорите за зачленување на Северна Македонија и Албанија во Европската унија (ЕУ) беше лоша одлука на Брисел, која е штетна за целиот регион, но и за самата ЕУ, јави дописникот на МИА од Приштина.
Месиќ во интервју за приштинската агенција КосоваПрес вели дека приклучувањето во ЕУ на Југоисточна Европа ќе ѝ овозможми на Унијата да стане сериозен фактор во светот.
– Сметам дека ова е лоша одлука на ЕУ, бидејќи само обединета Европа може да биде сериозен фактор во светот. А, за да биде Европа еден таков фактор во светот, Југоисточна Европа мора што поскоро да влезе во ЕУ, изјави Месиќ.
Говорејќи за односите меѓу Косово и Србија и напорите за изнаоѓање решение за споровите меѓу двете држави, поранешниот хрватски претседател се спротивстави на идеите за промени на границите.
– Секогаш сум бил против промена на границите. Треба да ги отвориме границите и да соработуваме, а не да разменуваме територии, изјави Месиќ за КосоваПрес.
Тој смета дека дијалогот меѓу Приштина и Белград мора да се обнови, но не верува дека Србија би можела наскоро да ја признае косовската држава.
– Тој дијалог мора да се води бидејќи се работи за две соседни држави. Поради внатрешните прилики, Србија тешко дека ќе може наскоро да донесе одлука за признавање на Косово. Тоа што треба итно да се направи, е отворањето на границите за граѓаните на Косово, за да можат да патуваат, да ги разменуваат нивните идеи и капитал, изјави Месиќ, залагајќи се за што поскорешна визна либерализација за косовските граѓани.
Стјепан Стипе Месиќ беше претседател на Република Хрватска од 2000 до 2010 година.
Ново на Сител
-
Го охрабрувам Обвинителството да работи на откривање нови одговорни лица за пожарот во Кочани, порача Мицкоски
-
УНИЦЕФ повикува на поголема вклученост на татковците во активности на учење преку игра
-
При претрес во Штип пронајдена дрога
-
Туфегџиќ: Обвинителството потврди дека нема доказ за инволвираност на таткото на Вања
-
Мицкоски: Исправена е неправдата, доделени национални признанија за врвни достигнувања во спортот
-
Маск: Жалам што некои објави за Трамп отидоа предалеку
-
Министерство за економија: Во првите два дена 1400 пријави до Агенцијата за вработување за мерката самовработување
-
Домовите „Кузман“ и „Стив Наумов“ се очекува да бидат реновирани до крајот на годинава