Меси со солзи се збогува со Барселона: Никогаш не замислував ваков крај
Еден од најдобрите фудбалери на сите времиња Лионел Меси денеска на конференција за новинари со солзи го потврди своето заминување од Барселона, откако клубот пред неколку денови соопшти дека веќе не може да си го дозволи Аргентинецот во своите редови без притоа да ја загрози сопствената иднина.
– Се обидов да бидам понизен и да се однесувам со почитување, и се надевам дека тоа ќе остане мој белег кога ќе заминам од клубот, изјави Меси на средба со новинарите во Барселона, додека стотици навивачи, од кои повеќето облечени во дресот со неговиот број 10, се собраа пред стадионот „Камп Ноу“.
Аргентинската фудбалска суперѕвезда истакна дека никогаш не „замислувал“ дека ќе мора да го напушти клубот во кој дојде на 13-годишна возраст.
– Никогаш не замислував дека ќе се збогувам, бидејќи вистината е дека никогаш не размислував за такво сценарио. Сакав тоа да го направам заедно со навивачите, на теренот, изјави Меси.
Довчерашниот капитен на Барселона не ги откри своите планови за во иднина, но францускиот весник „Л’Екип“ во петокот објави дека Меси е подготвен да му се приклучи на ПСЖ.
– Тоа е една од опциите, но не сум потпишал договор со никого, додаде 34-годишниот Меси, кој за 21 сезона колку што мина во Барселона стана нејзин најдобар стрелец на сите времиња со 682 голови.
Ново на Сител
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана