Мертенс ја освои титулата во Доха

Белгијката Елиза Мертенс ја освои титулата од турнирот во Доха, Катар, откако во финалето ја победи поранешната лидерка во светската ВТА листа – Симона Халеп (Романија) со 3:6, 6:4, 6:3.

За Мертенс ова беше прва титула на турнир од такво високо ниво, а Белгијката направи незаборавен пресврт за да стигне до финалната победа.

При 3:3 во првиот сет Халеп освои 18 последователни поени, за да го земе првиот дел и да поведе со брејк во вториот, но и покрај тоа, Мертенс не падна со духот и најде сили прво да го врати брејкот, а потоа и да го затвори вториот сет, благодарение на нов брејк во деветтиот гем.

Во решавачкиот трети сет, Мертенс направи брејк за 3:2, а во деветтиот гем направи уште еден брејк со кој го затвори натпреварот.

На својот пат кон титулата, Мертенс отстрани три топ 10 натпреварувачи – Кики Бертенс од Холандија во четвртфиналето, Анџелик Кербер од Германија во полуфиналето и во финалето Халеп.