Меркел: Германија не се меша во политиката на Европската централна банка

Германската канцеларка Ангела Меркел изјави денеска дека нејзината земја не се меша во политиката на Европската централна банка.

- ЕЦБ води независна политика, која не е управувана од Германија. Тоа е заедничка политика на сите земји од еврозоната, нагласи Меркел на Безбедносната конференција во Минхен.

Таа потврди дека „моментно во еврозоната постои проблем со вредноста на еврото“.

- Ако се уште имавме марка, таа сигурно ќе имаше друга вредност во споредба со сегашната на еврото. Тоа всушност е независна парична политика, врз која, јас како канцелар на Германија, немам влијание, додаде Меркел.