Меркел: ЕУ мора да има заедничка политика кон Русија и Кина
Германската канцеларка Ангела Меркел оцени дека Европската унија мора да има заедничка политика кон Русија и Кина.
На синоќешната прес-конференција со полскиот премиер Матеус Моравјецки во Варшава, Меркел истакна дека иднината на цела ЕУ е важна за нејзината Влада, а не само иднината на Еврозоната или на одредени групи.
Меркел и Моравјецк изразија волја да се обнови „форматот Вајмарски триаголник“, во кој, освен Германија и Полска, членува и Франција, оценувајќи дека нивна блиска соработка е нужна посебно за „новата агенда по Брегзит“, но и за безбедносните прашања.
Ангела Меркел ја одбра Варшава за втора, веднаш по Париз, дестинација што ќе ја посети по реизборот за претседател на германската Влада. Германските медиуми оценуваат дека посетата е со цел да се надминат споровите на Полска со ЕУ, но и Меркел да процени колку Варшава со новиот премиер е подготвена да се врати кон соработката со ЕУ.
Ново на Сител
-
Специјална акција на грчката полиција во ромска населба во Атина, уапсени 12 лица
-
Следните два дена сончево, во вторник и среда дожд и грмежи
-
Николоски во Будимпешта ги презентираше капиталните инфраструктурни проекти пред министрите за транспорт на земјите од ЕУ
-
Одбележани 80 години од загинувањето на 17 тетовски партизани во мавровското село Беличица и стрелањето на двајца во Тетово
-
Израелски претставник пред Советот за безбедност на ОН: Израел ќе се брани
-
Три лица, меѓу кои и едно дете, загинаа во руски ракетен напад во Криви Рих
-
Промовирана мобилна апликација за зајакнување на полицијата во постапување на случаи на родово базирано и семејно насилство
-
Нормализиран сообраќајот на патот Штип-Кочани