Мексико против интервенцијата на САД во борбата против наркокартелите

Претседателот на Мексико, Андрес Мануел Лопез Обрадор денеска го отфрли американскиот интервенционизам, откако претседателот Доналд Трамп изјави дека работи на тоа мексиканските наркокартели да се прогласат за терористички организации.

– Соработка да, интервенција не, истакна Обрадор.

Обрадор изјави дека Мексико ќе се посвети на тоа прашање по Денот на благодарноста во САД и го овлсти мексиканскиот министер за надворешни работи Марсело Ебрад да ги води разговорите.

Согласно американските закони, ако одредена група биде прогласена за терористичка организација, противзаконски е американските граѓани да им пружаат помош, а членовите на терористичката организација не можат да влезат во САД, туку можат да бидат депортирани.