Меимаракис: Експериментот Сириза завршува во недела
Лидерот на Нова демокатија Вангелис Меимаракис повторно ја истакна потребата од консензус по изборите со цел земјата да се извлече од кризата, појаснувајќи дека, сепак, тоа може да се постигне само со оние кои го сакаат тоа.
- Го избравме плоштадот Омонија (Слога) за да го симболизираме патот што го сакаме за земјата. Испраќаме пораки за единство на целиот грчки народ, изјави Меимаракис за време на предизборниот говор во центарот на Атина и побара од луѓето да и веруваат на Нова демократија.
- Со Божја помош и волјата на народот, во понеделник ќе формираме влада со Нова демократија како главна партија. Влада на достојни и способни, влада на сите Грци, рече тој обраќајќи им се посебно на младите, жените, просечните бизнисмени, на вработените во приватниот и јавниот сектор, работниците и невработените.
Коментирајќи во врска со лидерот на Сириза, Алексис Ципрас, Меимаракис го критикуваше за „внесување на земјата во хаос“, истакнувајќи дека тој се обидува да ги измами Грците да гласаат вторпат за него.
- Грците не сакаат повеќе Сириза експеримент, не сакаат повеќе популизам. Време е да се стави крај на неспособноста. Експериментот Сириза завршува во недела, рече лидерот на Нова демократија.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден