Мега заплена на скопскиот аеродром: Македонец фатен со 105 илјади евра скриени под блуза
Царинските службеници на аеродромот „Александар Велики“ во Скопје вчера спречиле обид за нелегално изнесување на 105 илјади евра, соопшти Царинската управа на Македонија.
На аеродромот „Александар Велики“, вчера за излез од државата се пријавил македонски државјанин М.Љ. кој требало да патува преку Истанбул за Дубаи. При детална царинска контрола на патникот, во појасот под блузата му биле пронајдени две паковки обвиткани во бела хартија облепена со проѕирна селотејп трака. Во паковките биле пронајдени 107 илјади евра, се наведува во соопштението од Царината.
Согласно Законот за девизно работење на лицето му се вратени 2 илјади евра, а 105 илјади евра се привремено задржани. Против лицето е поведена прекршочна постапка. Македонски државјани можат слободно да изнесат девизни средства во противвредност на две илјади евра.
Во прекршочните постапки кои се водеа во текот на 2016 година поради непочитување на Законот за девизно работење, Царинската управа привремено задржа девизи во противвредност од 604 илјади и 394 евра и 199 илјади денари.
По однос на девизни прекршоци сторени во 2016 година или претходни години, но одлуките по прекршоците станале конечни и извршни во 2016 година, во Буџетот на РМ лани се трансферирани околу 127,6 милиони денари односно девизи во противвредност на два милиони 81 илјада и 758 евра.
Ново на Сител
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“