Медведев го освои Синсинати

Рускиот тенисер Данил Медведев ја освои титулата на 6,05 милиони долари вредниот мастерс турнир во Синсинати.

Тенисерот од Москва во финалето го победи Белгиецот Давид Гофан со 7:6, 6:3. Мечот траеше 98 минути.

Медведев ја освои петтата титула во кариерата, прва од серијата 1.000.

Русиниот од денес ќе го има најдобриот ранкинг во кариерата, од осмото тој се искачи на петтото место.

За победата во Синсинати Медведев беше награден со 1,11 милиони долари.