Медиуми: Хрватска се соочува со парламентарна криза

Со преминот на претседателот на Блокот пензионери заедно (БУЗ) Миливој Шпика во пратеничката група на градоначалникот на Загреб, Милан Бандиќ дошло до промена на парламентарното мнозинство во Хрватскиот сабор, што дел од хрватските медиуми го оцениле како „конечен пад на Владата“.

Пратениците на Мост, помала членка на владејачката коалиција, меѓутоа, тврдат дека мнозинството во Саборот е стабилно.

Шпика на прес-конференција истакна дека актуелниот премиер Тихомир Орешковиќ нема легитимитет и на таа позиција може да се најде или Томислав Карамарко или Зоран Милановиќ.

Поранешната хрватска премиерка Јадранка Косор ја коментирала моментната парламентарна криза и можна промена на мнозинството, оценувајќи дека станува збор за „најдраматични моменти на оваа Влада“.

- Ситуацијата е неприфатлива и очекувам премиерот да и се обрати на јавноста. Претпоставувам дека чувствува одговорност кон државата, нагласи Косор, предупредувајќи ако мнозинството во Саборот не го поддржува премиерот ќе мора да се започне постапка за гласање недоверба на премиерот.