Маж загина во силното невреме на грчкиот остров Крит
Едно лице загина, предизвикана е голема материјална штета, а според локалните медиуми постојат информации за исчезнати, во невремето што го зафати приморското место и туристичка дестинација Агиа Пелагиа во близина на градот Ираклио во северниот дел на Крит, јави дописничката на МИА од Атина.
Според противпожарната служба на Грција безживотното тело на мажот било пронајдено во автомобил кој од поплавата бил повлечен во морето, а спасена била една жена.
Заменикот префект на Ираклио Никос Сиригонакис за грчката новинска агенција АНА-МПА рекол дека загинатиот го пронашле нуркачи и парталелно упати апел до граѓаните да ги ограничат нивните движења.
Локалните медиуми објавија дека постојат информации за исчезнати лица, но и дека ситуацијата е особено тешка во Агиа Пелагиа, каде што освен жителите, има и туристи.
Поради обилните дождови, улиците целосно се поплавиле, а водата со голема јачина и брзина повлекла автомобили.
Ново на Сител
-
Мицотакис: Провокативна, незаконска и недозволива иницијатива од новата претседателка на Северна Македонија
-
Макроекономска и буџетска состојба на Еврозоната теми на средбата на Еврогрупата
-
Работни групи на ВМРО-ДПМНЕ и Вреди на преговори за идната влада
-
Народната банка ќе ги објави пролетните макроекономски проекции
-
Во Косово од денеска само евра, измина преодниот рок што го одреди Централната банка за динарите
-
Факти за Андреј Белоусов, новиот руски министер за одбрана
-
Денеска средба Ердоган – Мицотакис во Анкара
-
Променливо облачно и сончево, попладне услови за дожд и грмежи