Матис во посета на Авганистан, се разгледува стратегијата за борба со талибанците

Американскиот министер за одбрана, Џејмс Матис денеска пристигна во Авганистан, во време кога администрацијата на претседателот Доналд Трамп ја разгледува стратегијата за оваа земја, во која талибанските екстремисти повторно ги зајакнуваат своите позиции.

Матис во Кабул треба да се сретне со аванистанските официјални претставници и со американските војници.

Во пресрет на неговото доаѓање авганистанскиот министер за одбрана, Абдулах Хабиби и началникот на Генералштабот на армијата,  Кадам Ша Шахим, поднесоа оставки заради талибанскиот напад врз воената база во кој се убиени 140 војници, а многу повеќе се повредени, пренесоа британските медиуми.