Матичарот одбил да ги венча - намерите не му изгледале искрени

Матичарот на општината Кањи, г-дин Сер, во француските Приморски Алпи одби да спроведе венчавање на парот кој дошол со таа намера кај него поради разликата во возраста од 42 години, при што младоженецот имал 80 години а неговта невеста во најава - 38 години. Свадбата била одложена и барањето било доставено на арбитрирање до републичкиот јавен обвинител, пишува францускиот весник "Ниш-Матен".

Матичарот предизвикал расправија и гнев кон него од младенците и неколкумината присутни нивни пријатели кои се обиделе со притисок да го натераат да си ја заврши својата работа и да не си зема право да цени вкус и односи меѓу луѓе со кои нема нјишто заедничко, но се било залудно, матичарот Сер останал на својата одлука.

На присутните им објаснил дека според него не гледа искреност и јасни намери кај присутните младоженци што, според него, е услов да ја спроведе законската постапка. Инаку младоженецот Жан-Клод (80) и Дебора (38) се во врска веќе две години, но ќе мора да почекаат судството да ја потврди или отфрли можноста за нивниот брак, процес кој ќе трае два месеци.