Масовни протести во Париз за укинување на ковид мерките

Французите по терк на канадските камионџии денеска излегоа на на протести во Париз против против рестриктивните ковид мерки. Уште на самиот старт се соочија со полициска контрола. Француската влада распореди 7.000 полицајци околу главниот град со цел да го спречи најавениот конвој кој се имаше упатено кон Париз.

Дополнително полицијата соопшти дека сите кои ќе блокираат патишта се соочуваат со двегодишна затворска казна, 4.500 евра парична казна и одземање на возачката дозвола. Најавите за високи казни сепак не ги обесхрабрија  граѓаните кои уште синоќа се упатија кон престолнината, и им порачаа на сите европски власти дека Париз е само првата станица.

Слични протести се одржуваат во Белгија и Австрија, Холандија и Нов Зеланд.