Mашина за кондоми која решава дали сте премногу пијани за љубов!

Машината за кондоми во Лондон што дели презервативи само за трезни луѓе, во суштина можеби прави повеќе штета од корист.

 

„Џони би гуд“ машината е опремена со специјален апарат што одредува дали некој е пијан или не. Корисниците треба да дувнат во уредот и ако се под дозволениот лимит на алкохол, ќе бидат наградени со кондом.

 

Пабот Брас манки во Викторија имаат ваква машина, што е создадена од сајтот за запознавање „Меч“(Match).

 

Во едно истражување на сајтот е откриено дека 73 проценти од Британците што немаат партнер се согласуваат дека одењето на љубовни средби е подобро кога се малку пијани, а една третина од овие луѓе тврдат дека не се доволно сигурни во себе и не би оделе во кревет со партнерот или партнерката по првото излегување, ако не се под дејство на алкохол.

 

Машината за кондоми наидува на критика од експертите за здравје што веруваат дека луѓето повторно ќе пијат и ако не добијат презерватив, повторно ќе имаат секс, но овој пат незаштитен.

 

„Ако на луѓето не им се дадат кондоми тоа може да доведе до ризично сексуално однесување, што може да го зголеми ризикот на несакани бремености и ризикот од сексуално преносливи болести“, изјавил професорот Џејн Андерсон за Метро.